E foliga sa iai se tulaga le mautonu i le lumanai o tax cuts poo le faaitiitia o lafoga totogi a o sauni ai le Leipa e faailoa mai lana uluai paketi poo le tala o le tupe.
Peitai la ua faamuta e le Palemia o Ausetalia ia taumatematega ina ua ia saunoa i le vaiaso nei e le o iai lava se mea o suia i le fetuunaiga sa faatulaga mai i le taimi o le faigapalota.
O tax cuts nei sa faatulafonoina e le faigamalo a le Soofaatasi sa iai talu ai ae o lea ua toe faatulaga ia toe amatalia i le tausaga faaletupe o le 2024-2025.
O se tasi lea o folafolaga a le palemia sa faia peitai i le masina o Me i le faigapalota sa matele ina aafia le tamaoaiga ona o le taua i Ukraine ma luitau foi sa feagai ma le lalolagi.
Faamanino lelei e le palemia o loo tumau pea le fuafuaga lenei e leai se mea ua suia ma e tatau ona amata tax cuts i le 2024.
