Ua faailoa e le Peresetene o Farani o Emmanuel Macron mo le ulua’i taimi o le a faaopoopo ai le aofa’i o ‘au’upega faaniukilia a lona atunuu mai le tulaga o loo iai, e itiiti ane i le 300.
Na te le’i faamautūina ane pe fia se aofa’iga o le a iai ae o le ulua’i taimi lea ua faaopoopo ai e Farani ana ‘au’upega faapea talu mai le 1992.
Fai mai le Peresetene ua faia le faai’uga lenei ona o lana matāfaioi lea ina ia faamautinoa le malosi o ana ‘au’upega i le aga’i atu i le lumana’i.
Ua iai ta’ita’i o le Atu Europa ua faaleo popolega e faatatau ia Amerika ma ana ta’utinoga e fesoasoani e puipui Europa i lalo o le faamalu tau niukilia aemaise lava i sui o le NATO, faapea o le a puipuia e Amerika pe afai e faamata’uina.
E na o Farani le malosi’aga faaniukilia (neuclear power) o loo iai i le Iuni a Europa.
Puna o Faamatalaga: https://edition.cnn.com/2026/03/02/europe/macron-france-nuclear-speech-scli-intl
