O le Sydney Harbour o se tasi o nofoaga e fiafia tulisi ma tagata malaga mai i Ausetalia e agai iai mo maimoaga ma tafaoga aemaise o le matagofie ole ogatotonu o se tasi o aai aupito i taugata ile lalolagi, peitai o le vaiaso nei ua ese se vaaiga ua iai ile maea o lologa sa aafia ai le setete o Niu Sau Uelese.
Ua vaaia le palapala o le sami faapea ma laufanua ile taulaga o Sini ma ua tuuina foi lapataiga I tagata ia alofia le agai I matafaga ona o le tulaga le saogalemu o loo iai mai tafega aemaise le palapala mai otaota.
Faamaonia mai e le matagaluega o le siosiomaga e le taumate ua I se tulaga le mama le tele o matafaga ma e tatau ona alofia le agai i matafaga seia maea ona faamamaina.
O loo tumau pea foi ona faatapulaa faigamalaga ma faia suiga talafeagai i malaga a trains ile aso ma ua lapataia foi tagata faigaluega aemaise I latou e faalgolago i auala o femalagaaiga lautele e agai ai I galuega ma aoga I aso taitasi.
