E toa 9 isi tagata ua aafia i le monkeypox i Niu Sila e pei ona faamaonia mai e le matagaluega o le soifua maloloina. O le toafitu o i latou ua aafia o loo i Aukilani ma le toalua i Ueligitone.
Ua oo atu ai nei le aofai o tagata ua faamaonia le aafia i lea faamai i le toa 20 i lona pepesiga lea ma e pepesi lava i totonu o Niu Sila e ese mai isi tulaga e mafua mai i tagata na malaga atu i atunuu i fafo.
O loo lipotia e le One News se fautuaga mai le Te Whatu Ora i tagata o loo faalogoina ni suiga i le tino pe faalogoina foi le mageso ina ia sailia vave se fautuaga mai se fomai.
