O le Aso Sa nei e amata mafai ai loa ona faaaogā contactless payments mo femalagaa’iga lautele a Aukilani.
O lona uiga o le a mafai ai ona na o le tap o le telefoni, credit poo debit card foi mo femalagaa’iga e faaaogā ai pasi, trains ma vaa feoa’i i le sami.
Faamatala ai e le Auckland Transport lenei faiga fou i luga o lana upega tafa’ilagi, o le a pule ai lava le tagata fealua’i i totonu o Aukilani i le faiga e totogi ai lona pasese.
O se faiga e faafaigofie ai mo tagata feoa’i i Aukilani lea o loo faaaogāina femalagaa’iga lautele, aemaise o turisi, tagata e seāseā faaaogāina femalagaa’iga lautele poo taimi lava foi ua galo ai le AT HOP card.
O suiga ua faailoa mai e lē agavaa ai i latou o loo maua tau pa’ū o pasese ona o SuperGold Card a tagata matutua faapea fanau a’oga, ma e tatau ai pea ona faaaogā a latou AT HOP Cards mo le mautinoa e maua pea le faamāmāavega i tau o pasese.
Puna o Faamatalaga: Contactless payments for Auckland public transport from Sunday
