O le aveese faamalosi o taavale le isi gaioiga lea ua agai iai leoleo faatasi ma le fesoasoani a le militeli

O lea na tuuavanoa I tagata o loo tetee I lumamaota o le fale fono I Ueligitone e agai ai e paka I le Sky Stadium, peitai e le toatele nisi na taliaina lea feau ma ua sau ai le faaiuga a leoleo o le a agai loa e tow pe aveesea faamalosi mai taavale o loo poloka ai le auala

O le feau mai leoleo ananafi, aveese lau taavale poo le tow

E ui e le o finagalo le komesina o leoleo, Andrew Coster e faia I se auala e atili vevesi ai peitai o le gaioiga tonu lea e tatau ona iai I lana ia molimau

E le o manino mai I le saunoga a le komesina poo afea e amata aveesea faamalosi mai ai taavale o loo polokaina le aualatele, pau o lea o le a faia I se taimi vave

O taavale uma foi o le a tow e le vave toe faafoia mai I e ana, ma o ai foi o le a faalavelave I galuega a leoleo e ono molia

I nei fuafuaga e le o faigofie foi I kamupani o loo tosoesea mai taavale, ma ua faamanino mai ai e le komesina o le a iai lava leoleo I le taimi atoa e aveesea mai ai