O le Aso Tofi o lenei vaiaso ua tuua ai e le vaega muamua o le autaaalo a Samoa mo taaloga a Malo o le Taupulega o le a faia i Birmingham i Peretania lo tatou atunuu, ma le isi vaega o le aumalaga o le a tuua le atunuu i le Aso Tofi o le vaiaso fou.
I le lisi o le autaaalo e 38, faapea ta’ita’i ma faiaoga o ‘au ta’itasi ua faailoa lautele mai e le faalapotopotoga o taaloga i Samoa le SASNOC, ua aofia ai ma le aulakapi ta’ito’afitu a le Manu Samoa o le a tausinio i ia taaloga faavaomalo.
O le ‘au a Samoa ua filifilia mai tama ma teine taaalo i le atunuu faapea ma atunuu i fafo ma e fitu taaloga o le a tausinio ai Samoa e pei o le taaloga lakapi ta’ito’afitu, taaloga afeleti, taaloga o le Judo, tuuga aau, siisii u’amea mamafa, ma le taaloga o le pii.
O le lisi atoa lenei o le autaaalo o faiaoga, o faauluuluga o ‘au ta’itasi, ta’ita’i malaga ma le faauluuluga o le aumasii atoa a le atunuu.
