O le asō lea na faatulaga e tula’i ai i le Faamasinoga Faaitumalo i Manukau se māfine mai Papatoetoe, i ni moliaga o loo tuua’ia ai i lona faaoo o manu’a i se tasi tagata i se vevesi na tula’i mai i se aiga i lea pitonuu.
Na valaau ane le fesoasoani a leoleo i le vaveao o le Aso Sa o ananafi lea, i se flat i Charles St, Papatoetoe, ma oo atu ai leoleo ma loka mai lea māfine.
O le māfine o loo molia i lona osofa’ia o le isi tagata, e 23 tausaga lona matua, ma e nofo ai i le fale lea na tupu ai le vevesi.
Sa molia o ia i le faaoo manu’a ma le faamoemoe e faatupu ni manu’aga ogaoga ma isi moliaga e tolu o le faaoolima ma le faamoemoe e faaoo manu’aga i se tasi.
O gaioiga uma ua molia ai lenei māfine e sa ia faia aga’i i le tagata na faauluina le tagi.
Puna o Faamatalaga: https://www.nzherald.co.nz/nz/crime/papatoetoe-woman-23-charged-after-alleged-wounding-in-family-harm-incident/QERMZAGNLJBS5MTEYKHJI2RUOQ/?ref=readmore
