$200 i le tagata Bromley mai le Council a Kalaiesetete

E lē lava le $200 i le tagata faatusa i le tele o le aafiaga o tagata Bromley i Kalaiesetete mai le manogi leaga.

3300 tagata aafia o Bromley na ioeina e le City Council a Kalaiesetete ananafi o le a maua le $200 ona o aafiaga mai le manogi leaga e sau mai le Christchurch Wastewater Treatment Plant.

O i latou foi ua ioeina e le Council ua na o nisi o aiga ua filifilia ma o le toatele o i latou e nonofo i Bromley.

O se fesoasoani tupe e sau mai le $1 miliona na tuu ese e le Council, ma o le $800,000 o le a alu i tagata o aiga a o le isi $200,000 e mo le silia ma le 20 aoga.

O le toatele na faaali manatu i tala a le Stuff e lē o fiafia i le $200 ma faamatalaga e lē lava pe a fua i le tau o le eletise, air purifiers, manogi leaga o lavalava ma le tele o fesuiaiga mo aiga.

Ae mai le Council, o le vaiaso fou o loo fuafua e ave ese ai filters ua faaleagaina lea e mafua ai le manogi leaga ma o le isi lua vaiaso a sau o le a faailoa mai ai foi ma isi tapenaga mo le agai i luma.

E amata maua le $200 i le tagata i le Aso Gafua o le vaiaso fou.