Ua toe faatā’ape le jury poo le vasega o faatonu o le faamasinoga lea sa nofoia le mataupu e faatatau i le tamaitai sa faigaluega i le Palemene o Brittany Higgins ma lana tagi ua tuuaia ai se tasi foi alii faigaluega i le Palemene o Bruce Learhman i le faia o ni uiga matagā ia te ia.
Fai mai la ua toe faatā’ape le jury e aunoa ma se iuga mautu ina ua tautino se tasi o i latou ia na ia tagofia faamatalaga e lei tuuina i le faamasinoga o ni molimau.
O loo tetee Learhman i ona moliaga ma ua 12 nei aso o faaasolo le faamasinoga sa tutulai ai molimau e 29 e aofia ai ma ni faipule o le Palemene.
Ua ioeina e le faamasinoga le tatala i tua o lē o loo molia e faatalia ai le aso 20 o Fepuari o le tausaga fou e toe fofoga ai le mataupu i le faamasinoga.
