Silia ma le tasi miliona Kiwis ua mafaufau e tuua Niu Sila ae agai atu i isi atunuu e faamautu ai.
Mai le palota a le MYOB na faia sau faai’uga e tusa ma le 1 miliona ma le 25 afe tagata ua vaavaai e o i atunuu i fafo a o toe tatala ai tuaoi.
O se siitaga tele lea pe a faatusa i lalo mai o le 41,000 Kiwis na fesiligia i le fesili lava lenei i le tausaga e 2019.
O ni su’esu’ega o loo fua agai i faamaumauga o tagata Niu Sila faamauina e le ofisa o faamaumauga.
O le to’atele e mafua ona vaavaai e o i atunuu i fafo e faamautu ai ona e lelei atu totogi lea e faapea e tusa ma le $23,000 faaopoopo i totogi o loo maua iinei.
O Ausetalia le atunuu aupito i to’atele tagata Kiwi o loo fia o iai, ese ai Peretania ma Amerika.
Mai le MYOB ua ia lipotia o le sii o totogi i Niu Sila o se faiga lea e tatau ona faia ia nonofo ai tagata iinei, ma ua iai le popolega pe afai ae o le to’atele e saili manuia i atunuu mamao ona o lea foi e tau saili ni tagata faigaluega i Niu Sila nei.
