O se kulupu o tagata Ausetalia na o latou lu’iina i le faamasinoga le moni o tulaga tau le puipuiga mo le Koviti-19 o le a tatau ona o latou totogiina le silia ma le 200 afe e kava ai totogi faaletulafono o lea mataupu.

O le kulupu sa ta’ita’ia e le tamaitai o Cienna Knowles mai Niu Sa Uelese ma sa taofia i le falema’i ona o aafiaga o le tuipuipui na ia faalogoina ma i’u ina lusi ai ma lana galuega ma isi avanoa e pei ona ia ta’ua i le faamasinoga.

O le mataupu na faia faasaga i le Commonweath, le setete o Vitoria, NSW, Tasmania, Western Australia, Northern Territory ma Kuiniselani.

Fai mai le Alaata 9 o se vaega tupe atoa e 363,492 tala Ausetalia e mana’omia e le kulupu e totogi ai tau o le faamasinoga ina ua toe faataatia ese le mataupu mai le faamasinoga.