E tatau ona faaopoopo manu’aga i taimi e ola ai le tina ma’itaga e mafai ona tauaofai i lalo o le taui faalavelave faafuase’i poo le Accident Compensation scheme – ACC.
O le talosaga folasia lea mai le komiti filifilia a le Palemene a o talanoa teuteuga o le tulafono o loo sau ai le lisi o manu’aga e mafai ona maua ai fesoasoani mai le ACC.
Mai le malo o se suiga afai ae tupu o le a fesoasoani lea i le va o le 17,000 i le 18,000 tina i le tausaga, ma e faaalu ai e le ACC le tusa ma le $25 miliona i le tausaga e tasi.
I talanoaga o loo faia ua unaia malosi ai e le komiti ua ta’ua o le Education and Workforce Select Committee le faalautele o manu’aga e mafai ona oo iai lea fesoasoani.
A o lagolago ai la e le to’atele o faipule o loo i totonu o lea komiti lea suiga faaopoopo, i le lipoti e ese foi le manatu o le Green Party latou lea o loo faatalosagaina e tatau ona tau uma ai manu’aga mai lava i le taimi ae e lē fanau le tina.
