Ua maua le taunuuga lelei o maliega i le va o District Health Boards ma Allied Health Workers.
O tagata faigaluega nei i le soifua mālōlōina e le o ni foma’i poo ni tausi soifua foi, a o i latou e fesoasoani i le aotelega o le pitolaau a le matagaluega ma e tusa ma le 10,000 i latou na tetee i le masina talu ai ona o le lē lelei o o latou totogi.
I le mae’a ai o feutana’iga na faia atoa ai ma le iloilo o le ofo fou mai pulega a District Health Boards, na palota ai le silia ma le 98% o i latou nei e talia le ofo ua tuuina mai.
Mai le sui o le iuni o le ofo fou lenei o loo sau ai ma le siitaga o totogi e maua i le taimi lava lenei faapea ai ma suiga i ta’iala o auaunaga.
E 19 masina o faatalanoa mai lenei mataupu ma o lea faato’ā maua se tali.
