O le maualuga lea o le tau o le meleni ua oo iai e tusa ma tala salalau lipotia e le Herald, ma o le faate’ia ma le lē talitonu na pu’e ai e se tasi o tagata faatau i Aukilani le ata o le tau o le meleni ma faalauiloa. 

Tali a le supamaketi a Farro lea na asia e lea tagata faatau, ona ua lē o toe maua se meleni i Niu Sila i le taimi nei o le mafuaaga lea o le oka mai ai i Ausetalia ma ua taugata ai ma lona tau. 

I molimau i luga o le Herald o loo faailoa o le tau o loo faapipii ai e $102.25 ma e tusa lona mamafa ma le 10 kilokalama, e tusa lea ma le $10 i le kilo e tasi. 

O le faailoa e lea tagata faatau o le tau o le meleni na faate’ia ai le toatele. 
Ae mai le Consumer NZ o loo unaia tagata faatau afai e lē o mautinoa le tau o se oloa, e lelei ona vaai i le isi supamaketi poo le ā le tau o loo latou faatauina ai. 

I faamaumauga a le Stats NZ Food Price Index, 6.4% ua alu ai i luga le tau o oloa ia Aperila o le tausaga nei faatusa i le taimi lava lenei o le tausaga ua alu, ae .6% ua alu ai i luga faatusa ia Mati.