Ua folafola e le Palemia o Niu Sila Christopher Luxon o le a ia asiasi i Samoa ma Tonga i le faai’uga o le vaiaso nei ma o le ulua’i feiloa’iga foi lea o le a iai a ia ma ta’ita’i fou o atunuu e lua e pei ona ta’ua.
O le a malaga faatasi le alii Palemia ma nisi o ta’ita’i faapisinisi ma nisi o le komiuniti faapea foi le minisita o leoleo ma le minisita mo tagata Pasefika e aofia ai ma sui mai le Itu Agai.
O le faigāmalaga o le a ta’ita’ia e Savae Sir Michael Jones e pei ona faailoa faapea foi ma Rachel Afeaki.
Ta’ua e Luxon o lea malaga o le a faamalosia atili ai le sootaga i le va o Niu Sila ma ia atunuu e lua, o ni aiga faa-Pasefika ma o loo nofo sauni foi i lea faigåmalaga. Ta’ua e Luxon e silia i le 300 afe tagata Samoa ma Tonga i Niu Sila, o se sootaga faale aiga ua lalaga faatasi.
Puna o Faamatalaga: https://www.rnz.co.nz/news/political/589364/christopher-luxon-to-visit-samoa-tonga-to-meet-new-pms
