E to’atolu talavou na lipotia mai i le Aso Faraile talu ai ua molia e leoleo i le fasioti tagata i le faalavelave na maliu ai se talavou 16 tausaga mai se pati na faia i se fale i Western city i le masina o Iuni. 

O le faalavelave lea na lipotia atu ai i leoleo se talavou 16 tausaga ua faamanu’alia i le faalavelave ua tui ai e le tagata tulou. Na taumafai leoleo ina ua taunuu atu i le fale lea, e faia galuega lavea’i peitai e le’i manuia ma maliu ai lava lea talavou. 

O le Youth Against Violence o se faalapotopotoga e aga’i foi le latou auaunaga i tulaga faapea ua faailoa e Ouwais Menzel o loo faauluulu i ai lea faalapotopotoga, e lagona le faanoanoa i ituaiga faalavelave faapea. O le latou auaunaga e taumafai e taofia le tulai mai o tulaga ia aemaise lava i tupulaga talavou. Ua faatūina ai ma le Strike Force e su’esu’e ai le faalavelave lenei e galulue faatasi ai le ausu’esu’e a leoleo ma sui o le State Crime Command Homicide.  

E  to’alua la alii talavou ta’i 17 tausaga na pu’eina mai o la aiga i le mae’a o su’esu’ega a leoleo na faia i fale i St Marys ma Marayong ma le isi 16 tausaga na pu’eina mai foi i Tregear i se taimi mulimuli ane. 

O le Aso Faraile na fuafua e tutulai ai i le faamasinoga o tamaiti a o faaauau ai pea su’esu’ega.