O loo faagasolo nei se su’esu’ega i Melepone i le itu i Mātū i Sisifo ona o se pepe faato’ā fanau na maua i tuāfale o se aiga i lea faaitu o le setete o Vitoria.
Fai mai lipoti a le 9News o se tasi o le atunuu na lipotia le pepe lea e i tua ane o lo latou fale i Keilor Downs a o le’i tāina le 8 i le taeao analeila.
Na logoina leoleo ma taunuu ane ai ma le fesoasoani faavavave ma faatino le latou galuega a o le’i aveina atu lea pepe ma se tama’ita’i mai se tuātusi lata ane i le falema’i mo le faia o togafitiga.
Ua faailoa o loo iai pea uma i la’ua ia i le Western Health Sunshine, i le falema’i ma o loo manuia.
O loo faagasolo su’esu’ega a leoleo ma talosagaina nisi e silafia ni faamatalaga i lea matāupu ina ia fesoota’i ane i le crime stoppers.
Puna o Faamatalaga: tsttthttps://www.9news.com.au/national/keilor-downs-newborn-baby-found-in-north-west-melbourne/cc8d002d-bfda-4010-a807-f811be21c0c8
