Ua malaia si pepe faatoa fanau mai ina ua afaina le tusa ma le 90 pasene o lona tino ina ua mu le fale sa iai i Sini.
Fai mai leoleo e ono masina o le pepe ae o le afi na sasao ane i le umukuka sei tulou o le fale i Campbelltown i le aoauli o le Aso Lua.
Faavave iai galuega laveai i si pepe tama sia ma auina atu faavave le fomai faapitoa i lea nofoaga mo se fesoasoani peitai e lei manuia ma na uma lona ola i le falemai.
Ta’ua e leoleo e lei mailoa tonu i le taimi nei pe na faapefea ona sasao ane lea afi ae ua mautinoa o se faalavelave tupu faafuasei.
Molimau leoleo e tulaga ese foi vaaiga sa iai i lea faalavelave mo nai tineimu ma le aufaigaluega a le taavale a le falemai ma o loo faaauau nei a latou suesuega.
