Ua mautinoa e 8,728 tagata ua aafia i le Koviti-19 i le komiuniti i totonu o le 24 itula ua tuanai ma ua faamaonia lea i lipoti a le matagaluega o le soifua mālōlōina.
E 759 gasegase o le koviti o loo taofia pea i falema’i ma ua to’avalu ua faaitiitia mai ai lea numera mai le aso ananafi. E to’a 13 tagata o loo iai i potu tigaina.
Ua faailoa foi e to’a 26 le aumaliliu e iai sootaga i le vairusi ma sa faamauina mai lea aofai mai le aso 26 o Aperila. Ua maitauina ai i le lipoti lea le toe faaitiitia mai o le aofai o tagata aafia pe a faatusa atu i le numera na iai ananafi.
