Ua le fiafia le aufaifaatoaga i le Qantas ona o lona faaaogaina o masi ma sisi e gaosi atu i Niu Sila, ae le lagolago le aufaifaatoaga Ausetalia.
O sisi nei o loo tufatufa i luga o vaalele a le Qantas e le mai Ausetalia ma e faapea foi masi, o tala nei a le pule sili a le New South Wales Farmers Peter Arklenoa ona
Ua faaalia ai e le alii pule le faanoanoa ona o lea e tele le lagolago a le aufaifaatoaga i le kamupani vaalele, ae o lea e alu ana tupe i isi maketi mai fafo.
Peitai, i le tali mai ai a le Qantas, ua mafua ona faatau atu i Niu Sila sisi ma masi, ona e leai se oloa faapea o gaosi e pisinisi Ausetalia e sau faatasi ai le sisi ma le masi.
Ua valaaulia ai foi e le Qantas le aufaifaatoaga a Niu Sa Uelese e toe silasila i le faalautele o le maketi.
E lei ‘alo ai foi le kamupani vaalele i le alu i luga o tau o oloa i totonu o Ausetalia talu ona sau le Koviti, ma o le isi lea mafuaaga o le agai i maketi faavaomalo e fai mai ai faatau ma e le na o le Qantas, o lea lava foi e fai e supamaketi.
Ua toe augani ai le aufaifaatoaga a Niu Sa Uelese i tagata faatau e siaki poo fea le atunuu e gaosi mai ai oloa ma faatau oloa o loo toto i totonu o Ausetalia.
