Ua lipotia mai e iai le tamaititi ua uma le ola i le faalavelave ua tofu ai se taavale i le vaitafe i Canterbury. Na muai lipotia e leoleo e to’alua tagata ua manunu’a mai lea faalavelave na tupu i le afiafi ananafi.
O i laua e aofia ai le tamaititi ma se isi tagata fai mai na poloka ai i totonu o le taavale peitai na mafai ona toe faasaoina ane ma ave atu ai i le falemai i Kalaiesetete mo togafitiga. Lea la ua faailoa mai e leoleo ua maliu le tamaititi ma le isi o loo feololo manu’aga.
O le lua ai lea o tagata maliliu i faalavelave mai le faai’uga o le vaiaso. O le isi faalavelave na maua ai se tino maliu e lata i le Waimakariri River ma o loo faaauau iai su’esu’ega a leoleo.
O loo su’esu’eina foi e leoleo le mafuaaga o le lavea o le taavale lea na tofu i le vaitafe ma faatalia ai se isi lipoti lata mai o ia mataupu uma e lua.
Vaofilifili & Le Soga
Aua ne’i galo sau lomiga ole Tusi ole Sōgā faatasi ai male lolomiga ole Vaofilifili. E maua ai Faalupega o
