Ta’utino Moala e tusa ai ma tuua’iga a Tuilaepa faapea na gau le NPF i le atina’e ma le DESICO; saunoa Moala e lei gau ma e lē o gau lava le NPF i le atina’e na sainia ma le DESICO. Folasaga a Moala, e moni o ia sa CEO o le NPF i le taimi na faamaonia ai le faiga faapaaga lea na fai e le NPF ma le DESICO, ae e lē o ia e faamaonia, o le faai’uga e faia e le Board poo le Komiti Faafoe.
Saunoa Moala, o le afioga ia Tuilaepa Sailele ma le susuga Joe Keil, o laua ia na fe’au maia o ia e alu e vaai le poloketi lea ia fai lelei auā e aogā mo le au fai popo, ae o le Consultant na faia le fautuaga i lena taimi lea na fai ai le faaiuga lea a le Board, o le afioga ia Sili Epa Tuioti.
Toeititi 5 miliona na approved mai e le Board mo lenei poloketi lea sa shareholder ai le NPF. O le contribution a le NPF i le poloketi lenei, o le fausia o le fale fou ma faatau le fanua la e tu ai le DESICO. O le tau o le fanua ma le fale e oo i le 5 miliona. Mulimuli ane ua toe taofi le galuega ua amata ona faaletonu ona o tagata ia na omai mai fafo i kamupani mai fafo.
Saunoa Moala e ui ua taofi ae lē o gau ai le NPF. Ina ua taofi le kamupani, sa amata ona lisi atu le fale i isi kamupani e pei o le Big Bear ma le isi kamupani ma e latalata i le 10 afe i le masina e ono maua mai e le NPF i le lisi o kamupani la e iai. Ma afai e fuafua tupe o lisi ia ua iai mai le taimi na gau ai le DESICO e oo mai le taimi lenei, ua fiu e mafai ona toe recover le tupe a le NPF.
E lē o faatusaina i isi poloketi na laulau e Moala sa faia e le Malo, na o le gau o le malo le mea la e iai. E pei o le malaevaalele i Ti’avea, le uafu i Satitoa, le falepuipui i Tanumalala, le uafu i Salelologa, le maketi na fausia i Savaii, fau fale o le SLC e oo mai le taimi nei e le’i ola a le lifi ae ua fia ma fia miliona tupe a le malo ua gau ai. Ae o le NPF e lei gau ina ua gau le pisinisii a le DESICO auā e mafai ona toe recover mai ana aseta.
