Fai mai Scott Robertson o ia o loo avanoa i ni ofa mai atunuu i fafo ina ua foliga e lē o amanaia ane i le faiga filifiliga a le NZ Rugby mo se faiaoga o le All Blacks.
Ta’ua i le tusitusiga i le NZ Herald i le asō o Egelani le isi atunuu e ono agai iai Robertson, o le faiaoga a le Crusaders ua iloga foi lona sao i le lakapi ma e to’atele e fiafia iai.
Ua ia ta’ua i nisi faatalanoaga o le taimi nei ua aoaiina o ia ina ia faamatala pea lona faitoto’a mo nisi valaau mai atunuu i fafo atu o Niu Sila. Fai mai a ia afai e manana’o le lakapi Niu Sila ia te ia, lelei ae a iai lava se isi atunuu , o le a lē alu i se kalapu ae fia agai sa’o e faiaoga i le tamilosaga o le Ipu o le lalolagi pe lua pe tolu foi ma una’i ai foi lona tagata.
Talu ona faiaoga Robertson i le Crusaders e ono taamilosaga na manumalo ai talu mai le 2017 ma e faato’ā uma lana konekarate ma le Crusaders i le 2023. Fai mai a ia e manaia pe a manumaloina se Ipu o le lalolagi i le lakapi mo lona lava atunuu, o i e ave iai lana faamuamua.
