O le a faamatuu mai e le malo le fesoasoani e totō ai laau e oo atu i le $35,000 i aoga. 

O le faasilasilaga lea mai le malo i le Aso Sa, poo le aso foi na pa’ū iai le Arbor Day o lenei tausaga ma i lipoti o loo vaavaai le malo e toe faaolaola le aso e faatāua mo le totōina o laau. 

O le fesoasoani a le malo o le a maua ai le avanoa e aogā e 40 e agavaa ai mo le totōina o nei laau, ma o lea foi ua mae’ a sainia e le minisita o vaomatua Stuart Nash faiga faapaaga ma polokalame a le Trees That Count faapea le Trees for Survival faapea le International Arbor Day Foundation. 

O se faiga faapaga o le a saga unaia ai le manuia o le vaomatua i totonu o Niu Sila, ma o le totōina foi o laau ua faailoa mai o le a fesoasoani lea i suiga o le tau e tusa ma saunoaga a le minisita.