E foliga mai ua faatupulaia pea lagona o le ita ma le le fiafia i le aiga ma uo o si tina e to’afā siana fanau lea na fetauaina na faaoolima iai se tasi i le aso toonai talu ai i fafo mai o lona fale i Kalaiesetete ma iu ina maliu ai.
O loo ta’ua i le Newstalk o se alii e 37 tausaga ua molia i le maliu o le tina lea o Laisa WakaTunidau ma ua taofia nei i le vaaiga a leoleo. O ananafi pei ona ta’ua i le lipoti na faatonuina ai e le faamasino o loo feagai ma le mataupu lea ni lipoti i le tulaga o le soifua maloloina o le mafaufau o le ua molia,
Taua e le Herald o lea tagata sa faia iai togafitiga i le tulaga o gasegase o le mafaufau. O si tina ua maliu o loo ta’ua i le ZB e 50 tausaga le matua ma e faigaluega kiligi, fai mai e pu’e mai le pasi mai lana galuega i lona fale pe a manava ma o i na osofa’ia ai i le te’a o le fa i le afiafi o le aso toonai talu ai.
Ole give a little page ua faia e fesoasoani ai i le aiga o sia tina ua silia male 30 afe ua maua ai i le taimi nei ae ua faalogoina le ita ma le le fiafia i le komiuniti aemaise foi le komiuniti o tagata fti ona o le tula’i mai o lea faalavelave ma se’i tali fesili pe moni o le o loo molia e aafia i gasegase o le mafaufau pe leai foi ae ua ma’umau ai le soifua o sia tina ma mafatia ai si ona aiga.
Ua ta’ua i le lipoti o le aso 15 o Iulai e tula’i ai lē ua molia i le faamasinoga maualuga i Kalaiesetete.
