O le to’atele o tagata Ausetalia o le a mafai ona maua le avanoa i se tuipuipui lona fā o le koviti poo le booster lona lua ina ua faia le faai’uga a le ATAGI o le a mafai ona agavaa tagata e silia ma le ta’i 30 tausaga i lea tui.
O le mae’a o le fonotaga i le aso ananafi ua alia’e mai ai ia lipoti ma o le a faaoo atu lea fautuaga i le minisita o le soifua maloloina i le vaiaso nei lava.
O i latou e silia ma le ta’i 50 tausaga lea ua mautinoa le fautuaina e agavaa ae o le a matala foi ma le avanoa mo i latou e silia ma le ta’i 30 tausaga le matutua. O loo faatupula’ia pea le aofai o tagata Ausetalia ua aafia i le faama’i i le taimi nei ae faapea foi ma le flu masani. E oo mai i le aso ananafi e 3,781 gasegase taofia i falema’i i le atunuu atoa.
