E oo mai i le taimi nei o loo talanoa pea Niu Sa Uelese i le taaloga mata’ina i le po anapo na matua’i faato’ato’a ai e le lanu moana le maroons a Kuiniselani i le taaloga lona lua o le State of Origin sa faia i Perth.
Molimauina e le faitau afe o tagata ma faia iai petipeitiga, le tagata lona lua lea i le po anapo sa vaaia ai le finau o le taaloga ma e mae’a le ‘afa muamua, o ‘ai o le taaloga, Niu Sa Uelese 14, Kuiniselani 12.
O le alii o Nathan Cleary na tulaga ese foi lana taumafai i le po anapo i le tele o ‘ai na ia mauaina mo lana ‘au. Ai faai’u o le taaloga Niu Sa Uelese 44, Kuiniselani tumau pea i le 12.
O lona uiga la o le a sailia loa le auro moni i le afi i le taaloga faai’u e faia i le Suncorp Stadium i Kuiniselani i le aso 13 o le masina fou o Iulai.
