O se alii ma se tamaitai ua faasalaina ina ua iloa i su’esu’ega ma faamaonia lo la tuuina o ni manufelelei i totonu o se nofoaga lē saogalemu ma lē lelei mo le ola ai o ia meaola.
Na maua e le au su’esu’e a le RSPCA pa e 19 o manufelelei nei i se unit i Liverpool o loo tumu i otaota ina ua asia lea nofoaga.
Fai mai e 50 lelei manufelelei na iai i totonu o lea nofoaga ma e tulaga ese le otaota na iai ma leai se suavai poo se malamalama foi.
Ua maua i su’esu’ega a foma’i o meaola e tele faama’i o loo aafia ai nai nei manu ma o loo fesoasoani nei iai. O o la faasalaga e totogi e le tagata e to’atasi le 6 afe ma faasalaga e lua tausaga i tulaga o le lē toe faatagaina e umia ni meaola. E silia ma le 12 afe e totogi e le alii i le nofoaga e tausia ai meaola ae o le tamaitai e totogi le silia ma le 6 afe.
