Ua faamautu nei le sainigalima i le va o le pulega o le Iunivesite a le Pasefika i Alafua ma le Matagaluega o Faato’aga ma Faigafaiva, o le a galulue faatasi ai le iunivesite ma lea matagaluega a le Malo e siitia le a’oa’oina o mataupu tau faato’aga, ma lafumanu i se faiga e unaia ai alo ma fanau a Samoa ma le Pasefika e a’oa’oina ia mataupu mo le manuia o atunuu.
O le afioga i le Minisita o Faato’aga ma Faigafaiva le susuga Laauli Leuatea Polataivao Fosi Schmidt ma le Pule o le Iunivesite a le Pasefika i Saute le susuga i le alii Polofesa o Pal Ahluwalia na sainia lea maliega na faamauina i le tausaga e 2019.
O le faamautu ai i Samoa o le alii Polofesa o loo faauluulu iai le Iunivesite a le Pasefika i Saute i Fiti ma Alafua o se avanoa tāua ua ia faamautu ai nisi o fesootaiga tau a’oa’oga i Samoa e pei foi ona ia sainia se maliega ma le Iunivesite aoao a Samoa mo le siitia o le a’oa’oina o mataupu tau faato’aga i le Iunivesite a le atunuu.
