Sa lipotia i le Aso Faraile talu ai i le Alaata7 a Ausetalia se faamatalaga a Maria Folau, le faletua o le alii taalo o Israel Folau, e faatatau i le ta’ita’ifono o le Komisi o le lakapi liki a Ausetalia, Peter V’landys o se tagata faaleogalua, poo le faagutugutulua foi tulou, hypocrite, e faatatau i le mataupu i jerseys o le ‘au a Manly e pei ona gugulu ai foi talanoaga i le taimi nei.

O Maria e pei ona lausilafia o se tamaitai iloga foi na iai a Niu Sila i le taaloga o le netipolo ma ua ia faailoa ia faamatalaga i le Instagram. 

Na faailoa e V’landys e mitamita i le taloga ma e tatau ona tutusa uma le faiga o tagata e tusa pe ese se gagana ma aganuu foi ma tupuaga. Ae na ia ta’ua e ao foi ona faaaloalogia talitonuga faalelotu ma faaleaganuu a tagata, e pei ona ia faatatau ai lea tala i tama taaalo e to’afitu a Manly e lei fia laeiina jerseys fou ia a le ‘au.

E lē o toe po se lilo i le to’atele le mafuaaga o le faamālōlō o Israel Folau e le Rugby Australia ma ua faailoa ai e Maria o se mea mālie le faagutugutulua o lea tagata ma lea faalapotopotoga.