Ua tuuina i le aso e le Komisi suesue sa feagai ma le suesueina o le Robodebt scandal le latou lipoti i le Kovana sili o le atunuu ma ua fuafua o i tonu o le a iloa ai tagata sa aofia ai ma pe aisea foi na umi ai ona faaaogā.

Lipotia e le 9News o nisi o faipule sinia i le Palemene sa matuai fesiligia i lo latou auai i lenei faiga e aofia ai ma ē sa avea ma Palemia o Scott Morrison ma Malcolm Turnbull ma isi e pei o Alan Tudge ma Stuart Robert sa avea ma minisita.

Ua faailoa i le lipoti o loo iai ma se isi vaega e le o faailoaina o le lipoti e aofia ai le faia mai o se fautuaga i le aveina o nisi sui i le tulafono.

O le a faaaoo atu nei le lipoti lea i le ofisa o le loia sili mo le folasia i luma o le Palemene.

E fā ma le ‘afa tausaga na faagaioi ai lenei faiga mai ia Iulai 2015 agai ia Novema 2019 na maua ai se vaegatupe e $1.73 piliona mai aitalafu toe totogi a tagata ona o lea faiga.