E lata i le miliona tagata mautotogi i fale i Niu Sa Uelese o le a mafai ona transfer pe faasee mai le tupe o Bonds mai le isi fale sa mautotogi ai agai i le isi fale fou ma o le a le mafai ona aveesea faamalosia mai i latou mai fale o loo aumau ai e aunoa ma se mafuaaga tatau, o le folasaga lea a le Leipa ua faia a o lumanai ai le palota o le 2023.
O le taimi nei ua matuai maualuga le tau o fale mautotogi i Sini ma o le faatupulaia o le tau o fale i vaega maotua o Ausetalia e pei ona matauina ai o le aofai ogatotonu o fale mautotogi i NSW e amata mai i le 386 agai i le 420 i le vaiaso i le va lea o le 2016-2021.
I lalo la o le fuafuaga fou a le Leipa i le mataupu i le bond, o le a faataga ai e le NSW Rental Bonds le toe transfer sao ane o le bond mai le isi fale i le isi fale ina ia alofia ai le lava o le faasoa mo tagata mautotogi pe a oo ina fesuiai fale.
