Ao loma le tatala o le saolotoga o feoaiga le moomia ai le faanofoesea i le va o Niu Sila ma le Atu Kuki, o lea ua faailoa tulafono fou
Mai le palemia o le Atua Kuki, Mark Brown o nei tulafono fou o le a aloaia faatasi i le Aso Faraile nei, le aso o le a amata feoai ai leai se faanofoesea
E aofia i tulafono le faamalosia o le faaaoga o le ufi fofoga ao feoai i femalagaiga lautele, faailoa faamaoniga ua uma tui pe a faatasitasi i nofoaga e maualuga le lamatia i le faamai, tasi mita le va ma le isi tagata faapea ai ma le faatapulaa o le toaselau tagata e mafai ona faatasitasi
Afai ae taunuu le feoaiga saoloto a Niu Sila ma le Atu Kuki i le Aso Faraile nei, pau lea o le atunuu e le o iai se suiga i feoaiga i le va ma Niu Sila ao toe tolopo atu ai i le faaiuga o Fepuari feoaiga faavaomalo na muai faailoa mai e le malo o Niu Sila ona o le Omicron
O le Atu Kuki o se tasi o atunuu i le lalolagi atoa e maualuga le fuainumera o tagata ua uma tui, lea ua silia ma le 97% o ona tagata agavaa ua uma tui e lua, ma o tulafono fou o le a faamamalu e le o aofia ai fanau e i lalo o le 12 tausaga le matutua
