Ua lipotia mai e le matagaluega o le Soifua Maloloina e to’a 63 i latou ua pesia i le siama o le Koviti-19, e tusa ai ma faamaumauga mai i le 2:00 i le aoauli o le aso 05 Iulai i le 2:00 i le aoauli o le aso 09 Iulai 2022.
Ua oo atu ai nei le aofa’iga o tagata ua aafia talu ona pepesi i tua le faama’i e aofia ai tagata lautele ma tagata malaga i le 15,115. E to’atasi ua faamauina o loo taofia i nofoaga faapitoa i le Maota Gasegase i Motootua.
O loo tumau pea le aofaiga o i latou ua fano soifua ona o le faama’i i le to’a 29. A o iai pea Samoa i le Laasaga muamua poo le Alert Level 1, o poloaiga o faalavelave tutupu faafuase’i, e fautuaina ai pea le mamalu o le atunuu ia tausisia pea fautuaga mai le Soifua Maloloina e tuuina atu pea, ina ia faaitiitia ai le soona pepesi o le siama.
O le isi faamanatu a le Matagaluega o le Soifua Maloloina ina ia aga’i i se falema’i lata ane mo le faia o tuipuipui o le Koviti-19, pe afai e lei faia pe e lei mae’a tui.
