7 aso faanofoesea mo close contacts pe a agai Niu Sila i le phase lua ma le tolu
O lea o loo i le phase muamua le atunuu atoa i lalo o phases e tolu e tali atu ai i le Omicron, ma i le faasilasilaga mai le minisita lagolago o le soifua maloloina ananafi, Ayesha Verral ua manino mai ai aso faapea siaki e tatau ona faia e tagata o loo galulue i auaunaga taua
I aso ua faatulaga mai o loo mafai ai pea e tagata faigaluega i auaunaga taua ona toe foi i galuega pe a faailoa siaki e negative o le Koviti faaaogaina ai rapid antigen test
Mai ia Verral o se fuafuaga ua faia e le palemia ma le malo ia aua ai nei aafia auaunaga taua
O auaunaga nei e aofia ai le soifua maloloina faapea pisinisi o loo sapalaiina meataumafa
O ai foi o nei tagata faigaluega e faalogoina auga o le faamai, e tatau loa ona faanofoesea i le fale ma faia vave siaki o le Koviti
Ua atagia mai ai foi i saunoaga a le minisita lagolago o le a tele lava ina faalagolago i rapid antigen test i taimi e faatetele ai le Omicron
Talanoa ai la i close contacts ua faitioina e le taitai o le ACT David Seymour le malo i le le manino poo ai tagata faigaluega ua taua o critical workers poo tagata faigaluega i auaunaga taua
Ae mai le minisita lagolago, o se aso o i luma faasolo atu i le vaiaso fou e faamanino mai ai poo ai auaunaga e lavea i lalo o le lisi o auaunaga taua
