Toeitiiti 200 le aofai o tagata faigaluega i trains ua lē oo ane i a latou galuega i le asō ma ua ua faalēaogāina ai ma le tele o faigamalaga i Sini.

E ui i lea ae ua lipotia le finagalo o le Transport for NSW o loo itiiti ni faatuai o loo iai i le auaunaga peitai ua faia foi nisi faamanatu mai le ofisa lea i le taeao analeila fautuaina ai tagata ia alofia le faaaogāina o auaunaga a trains mo faigamalaga i le aso ona o le faatuai i faigamalaga.

Fai mai le faigamalo ua mafua le faatuai lea ona o solo tetee o loo faagasolo a le aufaigaluega ma ua fautuaina foi mātua ia faatulaga nisi auala e faaoo ai le fanau i a’oga i lenei vaiaso nai lo le pu’e o train.

O le faamatalaga mai le Transport for NSW na o latou faailoa e lata i le 197 le aufaigaluega ua lē oo atu i galuega i le aso amata mai le sifi o le 5 i le taeao.

O loo faaauau pea le mataupu a le Iuni o tagata faigaluega ia i trains ma pasi ma le faigamalo a le setete ma ua alia’e foi faaseā ma finagalo faaalia o tagata e faaaogāina auaunaga faalaua’itele mo feoa’iga ona o le aafia ai o le aga’i o tagata i galuega ma fanau i a’oga ona o le faaumiumi pea o lea mataupu.

Puna o Faamatalaga: https://www.google.com/amp/s/amp.9news.com.au/article/c9d9d3c2-790a-4435-be6b-37f9bcca7324