E to’atolu sui tamalii aloa’ia – nobles – ua faamavae ma le Palemene a le motu o Tonga, ona o le faamavae o le Palemia Hu’akavameiliku Siaosi Sovaleni i le Aso Gafua. 

I le talanoa ai i le feiloa’iga ma le autusitala i Nuku’alofa, o le Palemia tausimea – caretaker Prime Minister – Samiu Vaipulu sa ia faamaonia ai Minisita e to’atolu ua faamavae nei e pei ona lipotia ai e le PMN. 

E aofia ai Lord Fohe, le Minisita mo Faato’aga, Taumafa ma Vaomatua, Lord Vaea, le Minisita mo Mataupu Faalotoifale ma Lord Tu’i’afitu, le Minisita o Eleele lea sa faamavae i le masina ua mavae.  

O nei Minisita e to’atolu o nisi foi o tamalii tāua o Tonga ma o nisi e umia ni esetete. 

Sa faia ni talanoaga i le aso ananafi mo nisi e tauaveina nei matafaioi.

Ona o se fesili ua agiga i se faatulafono o le Kapeneta o iai nei, sa faamaonia ai e Vaipulu, o Minisita uma o le a faaauau ona galulue se’ia aulia le aso 24 o Tesema, pe a filifilia se Palemia fou. 

Sa faia le faai’uga a Hu’akavameiliku e faamavae ina ia faataga ai sui o le Palemene e filifilia se Palemia fou, i le mae’a ai o lafo faatū e lua e faasagatau ia te ia i le lē faatuatuaina.

Ae peitai, e na te lē o teena le toe tamo’e mo le nofoa i le isi faigapalota o le 2025.