Ua agai pharmacist poo foma’i talavai a komiuniti i magaala e faailoa ai lo latou tetee i le fuafuaga a le malo e faalauloa le faiga faavae e 60 aso o le faamatuu atu o talavai, o se tasi o faiga faavae autu i lalo o le tala faatatau o le tupe i lenei tausaga.
O le faiga lea o le a mafai ai e tagata Ausetalia ona piki a latou oka e oo atu i le lua masina le umi e faaaogā ai e amata i le aso 1 o Setema ma faaitiitia ai le tau aofai o fualaau ma vailaau a gasegase.
O se faiga ua manatu le malo ua lelei tele mo tagata peitai fai mai foma’i talavai poo pharmacists o le a amata nei ona o latou faia ni totogi o a latou auaunaga sa masani ona fai fua ina ia maua ai se tupe mo latou e kava ai le vaegatupe o le a lusi i le fuafuaga e pei ona faataoto mai e le malo.
O se mataupu ua faailoa ai se finagalo o le sui taitai o le Liberal o Sussan Ley e faapea o se faaiuga lē lelei e ao ona toe lauliliu.
