Ua taunuu i Sini Perenise Eteuati poo Prince Edward mo sana malaga asiasi mai e lagolgo se tasi o polokalame mo tupulaga talavou.
O le a feiloai atu i nisi o loo auai i le Duke of Edenborough’s International award faapea taitai o le komiuniti ma volunteers.
Na taunuu mai le malaga a le alii Perenise i le po anapo i le malaevaalele i Sini ma faafeiloaia foi e taitai o le atunuu ma sa malaga mai Niu Sila.
O le a auai ai foi i se faamoemoe o le tufaga faailoga mo le faamoemoe lea mo talavou tai 15 tausaga ma sili atu.
O le 1956 na amata ai le Award lea e Prince Philip ina ua agai mai i Ausetalia ma talu mai lea taimi ua silia ma le 800 afe sui ua auai ai.
O se polokalame tāua e fesoasoani ai i tupulaga talavou i mataupu e pei o le faamautuina o mea e mananao e fai i le olaga ma sauni ai mo luitau o le soifuaga faaletalavou.
