O le Aso Lua o lenei vaiaso ua tauaofia ai le paea’iga faapalemene lona 18 mo lana fonotaga e faai’u ai lenei tausaga e pei ona sa tolopō mai i le masina o Oketopa ina ua pasia le tala autū o le tupe.
O taualumaga faai’u o le fono aoao faitulafono o lenei tausaga 2025 na amata i le mafutaga tatalo na faia i le lima i le vaveao o le Aso Lua, a o lumana’i lana fonotaga masani i le ‘afa o le iva i le taeao.
E iai nisi o tulafono taufaaofi o le a tuuina atu i le tauaofiaga mulimuli a le Palemene a o le’i tolopō mo aso mālōlō o le Kerisimasi ma le Tausaga Fou.
