O taeao lea ua fuafua e tatala ai le ulua’i fale’aiga Amerika o le Wendys i Ausetalia ma o le Gold Coast i le Surfers Paradise lea e iai le ulua’i lālā o le a tatalaina.
Na faailoa e le kamupani o le 2023 na saini ai se maliega e tatala ai le auaunaga lea i Ausetalia ma le faamoemoe ia oo atu i le 2034 ua 200 lala ua mae’a tatalaina.
O se tasi lenei o fale’aiga taatele i Amerika ma le tele o atunuu, e tumutumu iai tagata ona o ana taumafa o burgers eseese ma ua latou faaalia i se lipoti o le a latou faaaogāina le povi ma le moa e aumai totonu lava o Ausetalia.
Fai mai le 9News e lē o le ulua’i taimi lenei ua ulufale mai ai le Wendys i Ausetalia.
O le 1982 na tatala ai sona lālā i Melepone ma isi nofoaga peitai na faaletonu ma toe tapunia ai.
Fai mai o se vaega lenei o le faalauteleina o le auaunaga.
Puna o Faamatalaga: https://www.9news.com.au/national/wendys-australia-launch-fast-food-giant-to-launch-200-stores-in-major-expansion-from-2025/8045a308-742f-4281-b398-9ff8a85cdd7e
