O loo suesue nei e leoleo le pasi na togi i le alā, semanu e maua ai le avepasi ma se tasi o le pasese i Hawke’s Bay.
O le aoauli o le Aso Faraile a o iai le pasi i luga o le auala i Napier i Willowbank Avenue na faate’ia ai le avepasi i le pa’ō faapei o se pulufana ma tioata toulu, ma e tupu o loo tumu i fanau aoga o le Napier Girls High faapea Napier Boys High.
O loo lipotia e le Herald e tusa e 1.1kg le mamafa o le alā, ma na misi i na i senitimita ma le ao o le avepasi ae pa’ū i luga o vae o se tasi o tamaititi sa i luga o le pasi.
O se faamaoniga mai leoleo e tupu o loo tumu le pasi i tupulaga talavou, ma e faafetaia ai foi le to’a o le avepasi ma faia le faaiuga e faatafa i tua ae valaau le isi pasi e faaauauina le faigamalaga.
E oo mai ananafi o loo faaauauina pea suesuega a leoleo i lenei mataupu, ma na ta’ua e le avepasi e faafetaia e leai se isi o i latou na lavea ai se’i vagana tioata toulu.
Puna o Faamatalaga: Hawke’s Bay bus driver’s narrow escape after rock thrown through window – NZ Herald
