E 12 lelei nofoaga na sueina e leoleo I Aukilani I le aso ma pueina ai tagata e toa 10 ma taofia ai le silia ma le 10 miliona o meatotino e aofia ai fale taugata.
O se vaega lenei o suesuega a le Financial Crime Group e faatatau I tupe teu faasolitulafono ma isi moliaga.
O le leoleo suesue sa feagai ma le mataupu lea, Lloyd Schmid na ia taua o le vaega tolu o suesuega na amata mai I le tausaga na tea nei ma ua oo atu lona tuufaatasiga ole tau o oloa ua maua e leoleo I le 21 miliona male 28 o tagata ua pueina.
Faailoa I lipoti mai le herald e le iai ni sootaga faa kegi o I latou na pueina I le aso mae amata mai ile 32 tausaga e oo atu I le 70 tausaga le matutua o I latou ia maole a amata tutulai I le faamasinoga faaitumalo I Aukilani I le aso a taeao.
Faaalia e leoleo o loo fetauaina o tupe o loo aofia o loo teu faasolitulafono ma fesoasoani ile faatupeina ole auina aneo fualaau faasaina I le atunuu.
Fai mai Schmid a talanoa I tulaga o tupe ia teu faasolitulafono, ua talanoa foi I tupe e maua mai I faiga faasolitulafono e aofia ai le aumaia ma le gaosia o fualaau faasaina faapea foi ma lona faatauina atu.
E le o iai se faamaoniga o se sootaga o nei solitulafono I ni kegi I totonu o le atunuu
