O loo siitia pea le aofai o tagata aafia i le Koviti-19 i totonu o Niu Sa Uelese ma ua faatulaga e nisi o pule o auaunaga tau falemai, o loo iai nei i se tulaga e i le va o le feololo ma le maualuga le aofai o tagata aafia.
E ui e lē o toe faamalosia ona lesitala se tagata pe a aafia i le Koviti-19 ae o loo tulimataia pea e le soifua maloloina i latou o loo aafia aemaise i lisi ma siaki e faia i fomai faaleaiga poo GP.
O le faamatalaga mai le NSW Health ua ta’ua ai o le aofai o tagata aafia ua oo i le 4,733 i le Setete lava ia lea o NSW o faamaumauga lata mai ia faagata i le aso 4 o Novema ona faamauina ai.
O le aofai o tagata o loo agai i nofoaga mo togafitiga faavavevave emergency department o loo siitia foi.
O loo fautuaina pea tagata ia faauma ona fai tuipuipui ma nonofo i fale pe afai e gasegase ma vaai se fomai pe afai e masalomia ua aafia.
