E manatu se tasi o tagata iloga i le lakapi liki i Ausetalia Andrew Johns o le faatuai foi o le toe foi ane o Anthony Milford i le taaloga, e ono avea o se faamanuiaga ona o le a maua ai foi le taimi e tapena lelei ai lona malosi. 

I se lipoti a le alaata 9 a Ausetalia i le aso ua taua ai sa fuafua e saini Milford i le Rabbitohs mo le season lenei peitai sa iai se faaletonu ina ua aliae le mataupu i moliaga faasaga ia te ia lea ua le toe faamatuu ese. 

O lea la ua maua le avanoa e taalo ai mo Newcastle fai mai Johns e manaomia lava ona faamautu lona malosi mae pei lava foi o tama fusu e sauniuni mo fusuaga e manaomia ona saunia mo le faamoemoe. 

Fai mai Johns tusa pe le o se tulaga tumau le maliega i le va o le Newcastle Knight ma Milford ae mafai ona avea le alii taalo ma se tagata taua tele i le au i totonu o le tausaga o le a iai. Taua e Johns o ia e malamalama i le ituaiga tagata taalo e iai Milford, o ia leisi tagata aupito i lelei i le taaloga i le lalolagi.