Ua sauni nei e aga atu i Lonetona se vaega o le auaunaga tau puipuiga a Niu Sila le defence force mo le faamoemoe o le Tupu o Peretania o Salesa, le coronation e pei ona faatalitali iai le toatele.
O lagona o le fiafia ma le mitamita na faaleo e le satini o Hayden Smith lea ua filifilia na te taitaia lea aumalaga.
Ua ia faailoa i le One News e lagona le faagaeetia ona o le tofiga ua tuu ane ae o le masina nei foi na tauaao ai ia Smith se tasi faailoga taualoa o le NZ Distinguished Service Decoration.
E to’a 21 le aumalaga lea mai Niu Sila e faimalaga i le po ananei.
