E ono oo atu I le 100,000 tagata aafia I le Koviti I totonu o le aso e tasi, peitai e le o mafai ona maua
O le lapataiga lea mai ia Professor Michael Baker ao sau ai ua pau I lalo numera o cases faamaonia ananafi e 15,161 cases I le komiuniti, ao le Aso Toonai e 18,833
Ua tolu aso sosoo o sau I lalo cases faamaonia aemaise lava Aukilani
Ao sau o se tala fiafia, e le o atoa le talitonu o le alii suesue ma ua tutusa ai ma faamatalaga mai le soifua maloloina e ono mafua lea ona e le o ripotia e tagata faaiuga o o latou siaki
Mai ia Baker, e le faigofie e le gata o le faaaogaina o tekonolosi ae e le o fanau uma foi o iai ni a latou MyCovid Record, e pei ona e le o agavaa ai fanau I lalo o le 12 tausaga le matutua
Ua talosagaina ai e Baker le malo ina ia vaai I se auala e talafeagai e mafai ai ona ripotia faaiuga o siaki
Sau ai foi ma le feau, ia mataalia ma faaeteete tusa lava pe foi mai lou siaki e negative
