Ua saunoa le ta’ita’i o le Itu Agai i Ausetalia nei, Peter Dutton e tatau ona na o le fu’a a Ausetalia e faalealea i le Harbour Bridge i Sini.

Fai mai le 7News ua faia ia faamatalaga a le alii ta’ita’i i le mae’a o ni nai aso talu ona ia faailoa na te lē tula’i i luma o se fu’a a tagata Apoliki pe a faia faatalanoaga ma tusitala pe afai ae filifilia o ia e fai ma Palemia i le tausaga fou.

O Iuni o le 2022 na suia ai le fu’a a NSW i luga o le alalaupapa lea i le fu’a Apoliki i lalo o le faigamalo a le Premier sa iai Dominic Perrottet.

E amata mai le vaiaso nei ae fai le faamatalaga a Dutton i le Sky News o le a lē tula’i lava i autafa o se fu’a a tagata Apoliki ma Torres Strait Islanders pe a faia ni faatalanoaga ma tusitala pe afai ae tula’i mai o le Palemia.

Peitai ua ia faailoa e tatau ona tasi le fu’a e tuufaatasia uma ai tagata.

I sana faatalanoaga i le asō ua foliga ua ia saunoa ai e tatau ona aveese le fu’a Apoliki mai le alalaupapa.

O lana mau pe faapefea ona tasi Ausetalia pe afai e lua ituaiga fu’a o loo filifili ai tagata, fai mai a ia e faaaloalogia tagata Apoliki ma Torres Strait Islanders ma a latou fu’a ae lē o le tagavai lea o le atunuu atoa.

Puna o Faamatalaga: https://7news.com.au/sunrise/opposition-leader-peter-dutton-implies-aboriginal-flag-should-not-be-flown-atop-the-sydney-harbour-bridge–c-17056877