Na mu le City Garden Lodge i Aukilani i le aoauli ananafi, ma e toatasi na ave e leoleo ma na mulimuli ane toe tatala e aunoa ma ni moliaga.
E tusa o le ‘afa o le 4 i le afiafi lea na logoina ai le tineimu ma e 16 taavale fuimu na taumafaia.
I se lipoti mai leoleo anapo e lē o iai se popolega i se tasi i totonu o le fale ua mu i Parnell ma e tusa ma le toa 10 na laveaiina ma e leai ni manu’aga.
O le tagata e toatasi na ave ona o le vevesi na tulai mai i le nofoaga lava lea, o lea ua toe tatala i tua.
O lea na faaauau ona leo e sui o le tineimu le nofoaga lenei anapo, e tālia ai suesuega e faatoa amata i le asō.
O le fale ua mu o se backpacker ma o lea na iai foi ma le faipule o le taitai foi o le ACT David Seymour i le afiafi ananafi, ma na ia faamaonia o le toatele o i latou sa malu i le fale ua tele ina alu uma meatotino i le afi ma o lea na mafai ona oo iai le fesoasoani e lē gata o se isi fale e o iai, ae o lavalava faapea meaai.
Puna o Faamatalaga: Fire crews contain large blaze in Auckland’s Parnell; police arrest one person at the scene – NZ Herald
